Promovimi i përbashkët i potencialeve turistike mes Shqipërisë dhe Malit të Zi, sidomos në hapësirën ndërkufitare, do të nxit zhvillimin ekonomik të dy vendeve.

Në nisje të mbledhjes së përbashkët të qeverive të Shqipërisë dhe Malit të Zi, që u mbajt në Shkodër, kryeministri i Shqipërisë, Edi Rama dhe homologu malazez u ndalën te rëndësia e zhvillimit të potencialeve turistike që ekzistojnë në të dy vendet, shkruan “Travel News”.

Kohët e fundit, Shqipëria ka ndjekur edhe shembullin e shkëlqyer të zhvillimit të turizmit në Mal të Zi, ndërkohë që bashkëpunimi mes dy vendeve do të vazhdojë kryesisht në aspektin e ndërlidhjes së kapaciteteve qeveritare, bashkiake, ekonomike dhe natyrore me një përfitim të madh reciprok, përcjell albinfo.ch.

Promovimi i përbashkët turistik, zhvillimi i potencialeve të mëdha të brezit ndërkufitar dhe rritja e numrit të turistëve mes dy vendeve do të jenë elementet kryesore të bashkëpunimit Shqipëri-Mal i Zi në fushën e turizmit.