Cardi B e pranon se ishte e martuar

Reperja amerikane, Cardi B, ka konfirmuar se është martuar, fshehurazi, madje para 9 muajsh.  Reperja ka shtuar se u martua të njëjtën ditë kur i dashuri i saj, reperi i njohur si Offset i kishte propozuar martesë.

Duke shkruar në Twitter, 25-vjeçarja ka thënë se ka shumë momente që i ndanë me botën, por ka edhe të tilla që dëshiron t’i mbajë për vete. “Kur u martova ishte një prej atyre momenteve”, ka shkruar ajo, përcjell albinfo.ch.

Për më tepër, Cardi B do të bëhet nënë këtë verë.  Në anën tjetër, ueb-faqja TMZ ka raportuar për martesën e saj, duke postuar edhe certifikatën të hënën.

Kjo kishte zemëruar këngëtaren dhe tha se pikërisht për këtë arsye albumi i saj i fundit quhet ‘Invadimi ndaj privatësisë’. Megjithatë, në postimin e bërë në Instagram, ku pranoi se ishte martuar, pati shumë arsyetime përse e mbajti të fshehtë këtë. Cardi B, me emër të vërtetë Belcalis Almanzar, u bë e famshme vitin e shkuar, me singlin e saj ‘I like It’.