Rusia vazhdon me fitore dhe kualifikohet tutje

Rusia ka gjashtë pikë në Grupin A, derisa Egjipti mbetet pa pikë. Organizatorët e Botërorit janë kualifikuar tutje, derisa ‘Faraonët’ janë shumë afër eliminimit

Rusia ka mundur Egjiptin me rezultat 3:1, duke vazhduar me fitore në Kampionatin Botëror.

Goli i parë në këtë ndeshje u shënua nga futbollisti egjiptian Fathy, por ai shënoi në portën e tij, duke kaluar rusët në epërsi. Ndodhi kjo në minutën e 47-të.

12 minuta më vonë Cheryshev shënoi për vendësit për 2:0, derisa vetëm tre minuta më vonë Dzyba realizoi për 3:0.

Egjipti nuk u dorëzua dhe kërkoi të lë gjurmë. Mohamed Salah shënoi nga penalltia që e fitoi vet në minutën e 73-të.

Ky ishte edhe goli i fundit në këtë ndeshje. Rusia ka gjashtë pikë në Grupin A, derisa Egjipti mbetet pa pikë. Organizatorët e Botërorit janë kualifikuar tutje, derisa ‘Faraonët’ janë shumë afër eliminimit.

Në ndeshjet tjera të ditës së sotme, Senegali ka mundur Poloninë me rezultat 2:1, ashtu si Japonia ndaj Kolumbisë.

https://www.youtube.com/watch?v=uiVxbAmN4gI

https://www.youtube.com/watch?v=Hhb5Edt0KrY

https://www.youtube.com/watch?v=OesVenIcNPk

https://www.youtube.com/watch?v=jp9WRmOStVY