Kosova e përkushtuar në rrugën e saj evropiane dhe anëtarësimin e plotë në OKB

“Roli i Kombeve të Bashkuara ka qenë i pazëvendësueshëm në etapat e para të shtetndërtimit dhe arritjes së paqes në vend. Kosova është e përkushtuar në rrugën e saj evropiane dhe anëtarësimin e plotë në OKB”, ka thënë kryeministri i Kosovës, Ramush Haradinaj në takimin që ka pasur me ndihmës sekretaren e përgjithshme për Operacionet Paqeruajtëse në Kombet e Bashkuara, Bintou Keita.

Ata kanë diskutuar për temat e rëndësishme nëpër të cilat po kalon Kosova dhe progresin e arritur për këto dy dekada.

Haradinaj falënderoi Kombet e Bashkuara për rolin e tyre të rëndësishëm në fazat e hershme të shtetndërtimit dhe kontributin që kanë dhënë agjencitë që operojnë me këtë emër për shumë projekte dhe procese të rëndësishme për vendin.