LDK-ja nuk e voton platformën për dialog me Serbinë

Lidhja Demokratike e Kosovës ka marrë vendim që të mos e përkrahë platformën për dialog, që do të diskutohet në seancën e sotme në Kuvend, e që është bërë nga Qeveria.

Kjo parti, përmes një deklarate për media, thotë se platforma për dialog është dokument i përgatitur dobët, joserioz dhe me pretendime jokushtetuese, përcjell albinfo.ch.

“LDK-ja mbetet e përkushtuar për një proces dialogues serioz, konsensual dhe brenda kornizave kushtetuese të Republikës së Kosovës. LDK-ja beson në vlerat e pazëvendësueshme të dialogut politik, jo vetëm si një mjet për marrëveshje, por edhe si një qenësi e jetës politike”, thuhet në njoftim.