Ilir Latifi më 22 korrik në Hamburg kundër brazilianit Teixiera

Kjo përballje pritet me interes, pasi fituesi mund të marrë titullin kampion botë të përkohshëm në këtë peshë dhe në të ardhmen të duelojë me kampionin e kësaj kategorie, Luke Rockhold

Shqiptari i vetëm i UFC-së, Ilir Latifi, do të ndeshet më 22 korrik në Gjermani ndaj brazilianit Glover Teixiera, duel i vlefshëm për eventin e UFC-Hamburg.

Kjo është një përballje e fortë mes dy rivalësh në peshën “light heavyweight”, madje do të garpojnë për fitoret numrat 3 dhe 4 të këtij divizioni, përcjell albinfo.ch.

Teixiera, 10 fitore e katër humbje në kafaz, vjen pas dy fitoreve në tre përballjet e fundit, ndërsa Latifi (14 fitore, 5 humbje e një barazim) ka fituar pesë nga gjashtë duelet e fundit.

Kjo përballje pritet me interes, pasi fituesi mund të marrë titullin kampion botë të përkohshëm në këtë peshë dhe në të ardhmen të duelojë me kampionin e kësaj kategorie, Luke Rockhold. Për shqiptarin ky është një shans i madh në karrierën e tij, pasi më në fund i jepet mundësia që të duelojë për majat e këtij sporti.