Personat mbi 55 vjeçarë nuk do të favorizohen në rast pushimi nga puna

Iniciativa kërkonte që punëdhënësi mund t`i pushojë ata nga puna vetëm nëse e bën të besueshme se nuk do t`i zëvendësojë nga punëtorë që do t`i kushtojnë atij më lirë

Komisioni Ligjor i Dhomës Nacionale të Parlamentit të Zvicrës ka vendosur që të punësuarit mbi moshën 55 vjeçare të mos favorizohen sa i përket pushimit nga puna, njofton srf.ch. Duke votuar kështu, ky komision ka hedhur poshtë një iniciatië parlamentare të Partisë Socialdemokrate (SP/PS).

Iniciativa në fjalë kërkonte mbrojtje nga shkakrkimi prej punës për personat mbi 55 vjeçarë, në rastet kur ata kanë punuar 10 e më shumë vite në të njëjtën ndërmarrje, transmeton albinfo.ch. Sipas iniciativës, punëdhënësi mund t`i pushojë ata nga puna vetëm nëse e bën të besueshme se ata nuk do t`i  zëvendësojë me punëtorë që do t`i kushtojnë atij më lirë. Kundër kanë votuar 18 ndërsa pro iniciativës, vetëm 7 anëtarë të komisionit.

Iniciatorët, nismën e tyre e kanë arsyetuar me atë se një pjesë e madhe e atyre që për një kohë të gjatë janë të papunë, i takojnë moshës mbi 50 vjeçare.