Shumica e grekëve nuk dëshiron që termi “Maqedoni” të përdoret në çfarëdo zgjidhjeje të kontestit rreth emrit me fqinjin e tyre verior, ka treguar një anketë e bërë këto ditë.
Në pyetjen nëse Greqia duhet ta pranojë kompozitën që përmban terminin “Maqedoni”, 68 për qind e të pyeturve është përgjigjur “jo”, ndërsa 23.6 e tyre ka thënë “po”, shkruan “Reuters”.
Të dielën, kreu i partisë së koalicionit qeveritar “Greket e Pavarur”, Panos Kammenos, njëkohësisht ministër i Mbrojtjes, në një intervistë për gazetën “Demokracia” ka kërkuar mbajtjen e një referendumi për emrin e Maqedonisë, përcjell albinfo.ch.
Sipas tij populli grek duhet të vendosë atë që nuk ka ndodhur ndonjëherë në historinë e njerëzimit, dhënien e historisë dhe civilizimit të tij, një populli tjetër.
