Ilira në mesin e favoritëve për të përfaqësuar Zvicrën në Eurosong Contest

Tre pjesëmarrës në spektaklin e të shtunës janë zgjedhur nga redaksia e radios drs. „The Colors and Lira" është në mesin e tyre

Dymbëdhjetë grupe do të marrin pjesë të shtunën, më 11 dhjetor në garën për të përfaqësuar Zvicrën në festivalin Eurovision Song Contest që mbahet më 11 maj të vitit 2011. Përfaqësuesin do ta zgjedhin me votat e tyre të drejtpërdrejta shikuesit e televizionit publik zviceran, i cili do të tranmsmetojë koncertin, duke filluar nga ora 20.00. 

Në mesin e 12 grupeve dhe solistëve që ëndërrojnë për Eurovisionin është edhe ai „The Colors and Ilira”, të cilit i prinë këngëtarja e talentuar shqiptare Ilira Gashi. Gjashtëmbëdhjetë vjeçarja nga Berna, me rrënjë në Prishtinë dhe në Tiranë, me cilësitë e veta ka arritur të bindë adhuresit e pop muzikës me interpretimin e saj dhe zërin shumë të bukur prandaj mbetet njëra ndër favoritet e mbrëmjes. Ajo paraqitet me këngët e tipit baladë „Home”.

Pos Ilirës, të shtunën më 11 dhjetor në skenë do të ngjiten edhe dueti nga Gjeneva „Aliose” i përbërë Alizé Oswald dhe Xavier Michel, Andrina 16 vjeçare nga Rümlang-u i Cyrihut, Anna Rossinelli nga Bazeli, Bernarda Brunovic nga Dietikoni i Cyrihut, Trio „CH”, Dominique Borriello nga Valisi, „Duke” nga Berna, Polly Duster nga Schwyz-i, „Scilla” dhe Grupi „The Glue” nga Bazeli.

Radio DRS 3 ka favorizuar tre pjesëmarrës në spektaklin e të shtunës mbrëma, të zgjedhur nga redaksia e kësaj radioje. „The Colors and Lira” është njëri tri ndër grupet e përzgjedhura.