Njëra nga viktimat është gruaja e kosovarit të dyshuar për vrasje

Edhe viktima tjetër bëhet e ditur se është në lidhje familjare me dorasin dhe gruan tjetër të vrarë

Keystone

Ndonëse ishte paralajmëruar se gjatë oreve të pasdites policia do të jepte informacione më të detajuara rreth krimit të rëndë që kja ndodhur sot në Hausen të Kantonit Aargau, deri më tash nuk ka ndonjë njoftim plotësues zyrtar.

I vetmi informacion që e kanë marrë mediet nga burimet policore është se personi i dyshuar për vrasje, një kosovar 54 vjeçar ishte bashkëshort i njërës ndër viktimat, një gruaje 38 vjeçare, shqiptare me emrin Ala B., transmeton albinfo.ch. Ajo ishte banore zyrtare e të njëjtës banesë ku banonte po ashtu zyrtarisht edhe kosovari i arrestuar. Edhe viktima tjetër bëhet e ditur se është në lidhje familjare me dorasin dhe gruan tjetër të vrarë.

Por ende nuk konfirmohet se në çfarë lidhje është dhe po ashtu nuk thuhet asgjë për moshën e saj. Identiteti i saj ende nuk është konfirmuar plotësisht nga policia.