Edhe një javë me temperatura deri 12 gradë celsius

Temperaturat minimale gjatë kësaj periudhe, sipas këtij Instituti, do të lëvizin nga 0 -3 gradë Celsius, ndërsa maksimalet e ditës parashihet të lëvizin nga 6-12 gradë Celsius

Edhe gjysma e muajit janar pritet të jetë më temperatura të qëndrueshme, madje relativisht të larta për periudhën dimërore. Siç njoftoi sot Instituti Hidrometeorologjik i Kosovës (IHMK), fushat me presion të lartë atmosferik do të vazhdojnë të mbesin mbi rajonin e Kosovës edhe për tri ditët e para të javës.

“Në këto kushte do të mbajë mot kryesisht me diell dhe vranësira të pjesshme. Nga pasditja e së enjtes një front nga drejtimi i lindjes me presion të ulët do të depërtojë mbi vendin tonë duke kushtëzuar mot me vranësira të çrregullta, të cilat vende-vende do të sjellin reshje shiu”, njifton IHMK.

Temperaturat minimale gjatë kësaj periudhe, sipas këtij Instituti, do të lëvizin nga 0 -3 gradë Celsius, ndërsa maksimalet e ditës parashihet të lëvizin nga 6-12 gradë Celsius.

“Do të fryjë erë kryesisht nga juglindja, kurse të premten nga verilindja shpejtësia maksimale e së cilës mund të arrijë deri 9m/s, thuhet në njoftimin e Institutit Hidrometeorologjik të Kosovës”, thuhet në njoftimin për media të IHMK-së, transmeton albinfo.ch.