Mungesë perspektive për të rinjtë kosovarë

30 mijë të diplomuar dalin çdo vit në Kosovë, ndërsa numri i vendeve të reja të punës është shumë më i vogël. Shkalla e lartë e papunësisë dhe mungesa e perspektivës, i shtyjnë të rinjtë kosovarë t’i drejtojnë sytë nga Evropa, raporton “Deutche Welle”.

Vali, 24-vjeçar, i sapodiplomuar, dëshiron të vazhdojë studimet në Austri. “Arsyet janë se këtu nuk e kam gjetur veten. Nuk ka perspektivë. Nuk ka shumë hapësira. Nëse nuk ke të ‘njohshëm’ është vështirë. Atje nëse punon, atëherë ke më shumë mundësi. Kam qenë në Zvicër dhe më ka pëlqyer jeta atje. Gjithashtu e di gjuhën gjermane”, ka thënë ai, përcjell albinfo.ch.

Sociologu Artan Muhaxhiri thotë se në Kosovë nuk ka vende të punës dhe nuk ka investime, prandaj shumë të rinj zgjedhin të shkojnë në perëndim.

Arditi, student i vitit të tretë në Universitetin e Prishtinës dëshiron të studiojë në Evropë dhe të kthehet prapë në Kosovë.

Ai shton se Kosova ka potencial rininë, ky potencial i duhet Kosovës dhe ajo s’duhet të largohet.