Gjashtë të lënduar nga fishekzjarret, njëri nga plumbi qorr

Shtatë persona në Kosovë kanë kërkuar ndihmë mjekësore në emergjencë deri në orën 1 pas mesnate, ndërsa njëri prej tyre është në gjendje të rëndë.

Njëri prej tyre është në gjendje të rëndë shëndetësore, pas goditjes që ka marrë nga një plumb qorr, përcjell albinfo.ch.

“Prej orës 20:00 të mbrëmjes kanë qenë diku gjashtë raste me lëndime nga mjetet piroteknike, dy prej tyre kanë qenë raste shumë të rënda, kemi pjesë të dorës që janë amputuar, kurse katër raste tjera kanë qenë më të lehta, janë trajtuar dhe janë lëshuar në shtëpi.

Dhe kemi një rast të rëndë me plumb në qafë, i cili është duke u përgatitur, duke iu bërë ekzaminimet e nevojshme dhe kërkon ndërhyrje kirurgjike”, deklaroi mjeku kujdestar në Emergjencë, Naser Syla për mediat vendore.