Varroset 15-vjeçarja që ndërroi jetë në Itali, duke rënë nga banesa

Familja nga Skenderaj, i dha sot lamtumirën e fundit vajzës së tyre 15 vjeçare.

Ajo ndërroi jetë në një spital në Itali, ku edhe jetonte me familje, si pasojë e rënies nga një lartësi prej katër metrave deri sa ishte zgjuar jerm, njofton Klan Kosova.

Brikena Mehmeti kishte ngatërruar derën e banjës me dritaren dhe kishte rënë poshtë, përcjell albinfo.ch.

Por, vajza shqiptare edhe pse nuk ishte në gjendje të vetëdijshme ka shkuar te prindërit. Më pas ka qëndruar disa ditë në spital, ku gjendja e saj është përmirësuar, megjithatë, më pas gjendja iu përkeqësua dhe pas rreth një javësh ka ndërruar jetë.

Babai i saj ka treguar si ndodhi kjo ngjarje, derisa ka paralajmëruar se do të paditë mjekët, pasi beson se kanë qenë të pakujdesshëm.

Familja shqiptare ka jetuar në Treviso të Italisë, aty ku edhe ka ndodhur ngjarja.

https://www.youtube.com/watch?time_continue=8&v=h0J4eLMYdM4