Rrugëtimi në Gjermani dhe kthimi në Kosovë

Foto: Deutche Welle

Elisah Krasniqi është njëri nga shumë qytetarët që lëshuan Kosovën tre vjet më parë për të kërkuar azil ekonomik në Gjermani.

Ai nuk mundi t’u rezistojë trumave të njerëzve që po mblidheshin në stacionet e autobusëve dhe po mësynin Gjermaninë për një jetë më të mirë, raporton “Deutche Welle”.

Rrugën për mërgim, Elisahu dhe bashkëshortja e kishin menduar me më pak probleme, përcjell albinfo.ch.

Elisahu është kamerier, si dhe ka dy fëmijë. Ai ka treguar se si ka shkuar në Gjermani, dhe pse është kthyer përsëri në Kosovë.

Ai ka thënë se ka shkuar për një jetë më të mirë në Gjermani, derisa në Kosovë nuk ka kushte shumë të mira.

Megjithatë, familja shqiptare u detyrua të kthehet në Kosovë, ku nuk sheh shumë perspektivë, dhe nëse i vjen rasti, do të largohet sërish.