Bie fluksi i mërgimtarëve në Kosovë

Në pikën kufitare Kosovë – Serbi, në Merdar, sot për fat të mirë nuk ka kolona makinash të mërgimtarëve tanë, që festat e fundvitit kanë vendosur ti kalojnë në vendlindje, raporton televizioni publik i Kosovës.

“Kemi një lajm të mirë për bashkatdhetarët sepse këtu, në pikën kufitare Merdar, nuk ka pritje të gjata dhe fluksi i mërgimtarëve sikur ka rënë nga intensiteti”, është shprehur gazetari nga vendi i ngjarjes.

Vitin e ardhshëm, në shtator, pritet edh inaugurimi ndërtesës në këtë pikë të doganore, kurse lajmi tjetër i mirë për bashkatdhetarët tanë, është edhe zgjerimi i rrugës Merdar – Prishtinë, përcjell albinfo.ch.

Bashkatdhetarët që udhëtojnë në pikën kufitare të Merdares, thonë se nuk kanë informata të mjaftueshme për pikat tjera kufitare dhe vazhdimisht kalojnë përmes kësaj pike.

Fluksit bashkatdhetarëve tanë që pritet të kthehen në vendet ku punojnë pritet të shtohet nga 1 janari.