Shqiptarët kryesojnë në listën e deportimeve

Statistikat thonë se këtë vit ka pasur më pak deportime sesa vitin e kaluar, kjo edhe për shkak të ndaljes së fluksit të madh, që kishte më 2015, shkruan “thueringer-allgemeine.de”.

Kështu ndodhi edhe në Thuringi, që kishte më pak deportime. Sipas Ministrisë së Migracionit, deri në nëntor kishte 600 deportime. 608 ishin në vitin e kaluar, përcjell albinfo.ch.

582 azilkërkues janë kthyer pasi iu ishte refuzuar azili, dhe kanë pranuar të kthehen vullnetarisht duke përfituar edhe financiarisht, derisa në vitin 2016, kjo shifër ishte 1829.

Në mbarë Gjermaninë ka pasur më pak deportime se vitin e kaluar. Gjithashtu edhe kthimi vullnetar ka rënë nga viti i kaluar, transmeton albinfo.ch.

Shumica e deportimeve nga Thuringi, ishin nga vendet e Ballkanit Perëndimor, si nga Bosnja, Shqipëria, Kosova dhe Maqedonia.