Thirrje për nënshkrimin e peticionit kundër Gjykatës Speciale

Shoqata “Familja dhe Shpresa” nga Klina ka ftuar qytetarët e Kosovës që t’i përgjigjen masivisht nismës së shoqatave të veteranëve të luftës për peticionin kundër Gjykatës Speciale.

Kjo shoqatë thotë se ligji është selektiv dhe diskriminues, ndaj peticioni do të mundësonte që në Hagë të dalin para drejtësisë vrasësit serbë dhe Serbia për krimet e luftës kundër civilëve shqiptarë të Kosovës.

“Ky ligj duhet të plotësohet patjetër. I ftojmë dhe shpresojmë se qytetarët do t’i përgjigjen masivisht këtij peticioni. I ftojmë dhe shpresojmë se parlamentarët e të gjitha partive shqiptare të Kosovës më në fund do të vetëdijesohen e të marrin guximin ta plotësojnë këtë ligj. Shpresojmë se Parlamenti i Kosovës do të pamundësojë amnistimin e kriminelëve serbë që ende gjenden të lirë atje në Serbi, të mbrojtur nga shteti serb i udhëhequr nga Aleksandar Vuçiq dhe partia e tij”, ka thënë përfaqësuesja e shoqatës, Zana Bytyqi.