Istogu shkon në rivotim

PZAP ka marrë vendim që Komuna e Istogut të shkojë në rivotim pas ankesave të paraqitura në këtë institucion nga Lidhja Demokratike e Kosovës. LDK ka dërguar në PZAP ankesa pas numërimit të votave me postë në Istog, përcjell albinfo.ch.

Sipas kësaj partie, Gani Dreshaj i AAK-së arriti të marrë epërsinë në Istog me manipulime të shumta të votave përmes postës.

Kjo bëri që Dreshaj të përmbyste rezultatin dhe të fitonte në Komunën e Istogut.

Ndërkohë, ende nuk është marrë vendimi për Komunën e Prishtinës dhe Prizrenit, ku fituan kandidatët e Lëvizjes Vetëvendosje.

Në Prishtinë, është ankuar LDK-ja, derisa në Prizren është ankuar PDK-ja.