Shqiptari që po jeton ëndrrën amerikane

Ai ishte larguar nga Shqipëria me not e se u mbajt për disa muaj në një kamp refugjatësh para se një organizatë bamirëse të paguante për fluturimin e tij drejt Shteteve të Bashkuara, dhe lirisë

Leo Keka po tërheq vëmendjen e mediave në Shtetet e Bashkuara të Amerikës, të cilat shohin tek ai mishërimin e ëndrrës amerikane. Në moshën 49-vjeçari ai drejton dy restorante popullore në Quincy të cilave u ka vënë emrat, Alba dhe Zef.

Fëmijët e tij ndjekin shkolla katolike dhe pavarësisht se është rritur në një qytet të vogël në Shqipëri, Keko është tani një shtetas krenar amerikan, shkruan “TCH”.

Mediat vendase kujtojnë se si ishte larguar nga Shqipëria me not e se u mbajt për disa muaj në një kamp refugjatësh para se një organizatë bamirëse të paguante për fluturimin e tij drejt Shteteve të Bashkuara, dhe lirisë, përcjell albinfo.ch.

Ai tregon se kur ishte fëmijë, ai dhe vëllezërit ndonjëherë nuk kishte çfarë të hanin. Keka mbërriti në Shtetet e Bashkuara kur ishte 20 vjeç.

Nuk dinte asnjë fjalë anglisht, por siç rrëfen, iu dha një mundësi dhe ishte i vendosur ta shfrytëzonte më së miri atë. Fillimisht punoi si pjatalarës e më pas kamarier në një restorant në Boston.

Në 2001-shin hapi restorantin e tij të parë Alba, shkurtim i Albania, i shndërruar tani në një prej më të famshmeve në zonë.

Më vonë, çeli pranë tij edhe një restorant tjetër të cilit i vuri emrin e të atit, Zef.