Zyrtare, Shpend Ahmeti fiton Prishtinën

Sipas rezultateve të publikuara në fund të procesit Shpend Ahmeti i Vetëvendosjes ka marrë 42.262 vota ndërsa Arban Abrashi i LDK-së ka marrë 41.897 vota

Votat me kusht dhe ato me postë nuk e kanë ndryshuar qeverisjen në Prishtinë. Rezultatet pas numërimit të 11 kutive me vota me kusht dhe një kutie me vota me postë e kanë nxjerrë Shpend Ahmetin e LVV fitues në garën për Prishtinën me diferencë 365 vota ndaj Arban Abrashit.

Pas numërimit të të gjitha kutive me vota me kusht, të votave me postë dhe të votave të personave me nevoja të veçanta, del se Shpend Ahmetit ka fituar 861 vota e Arban Abrashi 733. Të pavlefshme janë shpallur 18 e të zbrazëta 3, shkruan kallo.com.

Sipas rezultateve të publikuara në fund të procesit Shpend Ahmeti i Vetëvendosjes ka marrë 42.262 vota ndërsa Arban Abrashi i LDK-së ka marrë 41.897 vota. Ky është rezultati më i ngushtë që ka nxjerr ndonjëherë gara për Prishtinën, duke marrë parasysh numrin e madh të votuesve.