Kosova
Kosova dhe Kanadaja me marrëveshje për investime
Presidenti i Kosovës, Hashim Thaçi është takuar sot ministrin për Tregti Ndërkombëtare të Kanadasë, François-Philippe Champagne, ku kanë nënshkruar Letrën e Qëllimit të Mirë, e cila i paraprinë Marrëveshjes për Mbrojtje të Investimeve në mes dy vendeve.
“Kosova dhe Kanadaja së shpejti do ta kenë Marrëveshjen për Mbrojtje të Investimeve në mes dy vendeve tona”, ka shkruar Thaçi në “Facebook”, përcjell albinfo.ch.
“Me ministrin për Tregti Ndërkombëtare të Kanadasë, François-Philippe Champagne, sot nënshkruam Letrën e Qëllimit të Mirë, e cila i paraprinë kësaj marrëveshjeje.
Bashkëpunimi ynë bilateral është duke u rritur në ekonomi, veçanërisht në fushën e minierave dhe investimet kanadeze kanë shumë rëndësi për Kosovën”, ka shtuar ai.
Ndërsa, ministri për Tregti Ndërkombëtare i Kanadasë, François-Philippe Champagne, ka thënë se Marrëveshja për Mbrojtje të Investimeve do të ketë shumë rëndësi për çdo investim të mundshëm në Kosovë.
Po ashtu, presidenti Thaçi dhe ministri kanadez, François-Philippe Champagne, kanë folur edhe për reformat e bëra në ekonominë e Kosovës, ku konfirmim i suksesit në këto reforma është edhe nënshkrimi i Marrëveshjes së Stabilizim Asocimit me Bashkimin Evropian, si dhe pranimi i Kosovës në programin e Korporatës për Sfidat e Mijëvjeçarit të Kongresit Amerikan.
Presidenti Thaçi ka thënë se investimet kanadeze janë shumë të rëndësishme për ekonominë e Kosovës.
E-Diaspora
-
Dua Lipa reagon për vrasjet në Gaza Këngëtarja shqiptare me famë botërore shqiptare, Dua Lipa, ka bërë thirrje për ndaljen e luftimeve në...
-
Java e Kulturës së Kosovës në Berlin
-
Bukuresht: Koncert madhështor nga sopranoja Inva Mula dhe tenori Gjergji Mani
-
Ramë Dardania, me ekspozitë në Pragë
-
Oficerë shqiptarë që shërbejnë dhe kontribuojnë në sigurinë e Nju-Jorkut
Jeta në Austri
-
Prezantohet në Vjenë platforma “Made in Kosova“ Vjenë: U bë degustimi i verërave nga Kosova...
-
Austri: Të paktën 300 kocka vigane janë gjetur në një bodrum shtëpie
-
Austri: Përmbledhje e lajmeve më të fundit të ditës së sotme
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë