Kosova
Kosova me rritjen më të madhe ekonomike në rajon
![](https://www.albinfo.at/wp-content/uploads/2017/11/banka-boterore-528x396.jpg)
Kosova ka pasur rritjen më të madhe të punësimit në rajon, prej tetë për qind, si dhe rritjen më të madhe ekonomike prej 4.4 %.
Këto shifra janë dhënë nga raporti i 12-të i rregullt ekonomik i Bankës Botërore për Ballkanin Perëndimor, që u publikua në Prishtinë dhe u prezantua nga drejtoresha e BB-së, Linda van Gelder, përcjell albinfo.ch.
“Raporti vlerëson zhvillimet e fundit ekonomike në Shqipëri, Maqedoni, Serbi e Kosovë. Të gjitha vendet e Ballkanit përballen me probleme ekonomike, përfshirë shifrat e larta të papunësisë. Por, rritja ekonomike ka qenë më e madhe në vitin 2016 në Shqipëri e Kosovë e Maqedoni, por ka pasur ngecje në Serbi”, ka deklaruar Van Gelder.
Ajo ka shtuar se projektimet janë që të ketë rritje prej 6.3 për qind deri në vitin 2019 në këtë rajon. Ndërsa, Agim Demukaj ekonomist i BB-së për Kosovën, deklaroi se “mesazhet janë pozitive dhe rritja ekonomike në Kosovën në vitin 2017 është rreth 4.4 për qind”.
“Rritja ekonomike ka ardhur nga investimet dhe konsumi. Rritja më e shpejtë në eurozonë ka ndikuar edhe më rritjen e eksporteve në këtë rajon. Në rritjen e eksporteve ka ndikuar eksportimi i metaleve bazë si hekuri dhe nikeli”, shtoi ai. “Nëse e krahasojmë Kosovën me vendet e tjera, del se Kosova ka përformuar me mirë se vendet tjera. Krahasuar me vitin e kaluar eksportet kanë qenë shumë më të mira. Punësimi është kthyer në nivelet e para vitit 2008. Në Kosovë kemi parë rritje të punësimit dhe pjesëmarrje te fuqisë. Kemi pasur rritje prej tetë për qind. Rritja më e lartë e punësimit në rajon. Edhe pse ka pasur krizë politike, kemi pasur edhe me shume investime. Kosova ka funksionuar”.
E-Diaspora
-
Komuniteti Musliman Shqiptar në Zvicër uron festën e Kurban-Bajramit Urimi për festën e Kurban-Bajramit 2024...
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
-
Dietikon (ZH): Zamfina Rexhaj prezanton librin e saj mbi luftën në Kosovë
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë