Lifestyle
Infermieret modele shqiptare zgjedhin pacientët para karrierës
Disa nga modelet tona që jetojnë në diasporë flasin për “albinfo.ch” për profesionin e tyre të infermierisë dhe punën humane që bëjnë
Ato janë modele. Kanë reklamuar për kompani të njohura të modës në Zvicër, Gjermani dhe vende të tjera të Evropës. Kanë fituar çmime të ndryshme nëpër konkurse të bukurisë. Por, para famës dhe kënaqësive tjera që mund të sjellë skena e modës, ato kanë zgjedhur diçka tjetër: Të jenë në shërbim të të sëmurëve. Disa nga modelet tona që jetojnë në diasporë flasin për “albinfo.ch” për profesionin e tyre të infermierisë dhe për punën humane që bëjnë.
Doresa Halilaj: “Nga infermieria nuk heq dorë për asgjë!”
Doresa Halilaj jeton në Neureuth të Gjermanisë. Në vitin 2016 bukuroshja shqiptare mori pjesë në “Miss Univerese Gjermania”, dhe u zgjodh vajza e dytë më e bukur në Gjermani. 23 vjeçarja është infermiere në klinikën e të aksidentuarve në Tubingen. “Unë punoj në klinikën e të aksidentuarve dhe aty përkujdesem për pacientë me nevoja emergjente”, ka thënë ajo.
Në këtë klinikë shpesh herë pacientët kur hapin sytë pas operacioneve, dhe shohin një infermiere të bukur, nuk mund të rezistojnë pa shprehur edhe ndonjë kompliment. “Është e natyrshme. Marr komplimente të shumta nga pacientët, dhe kjo më gëzon. Por më shumë më gëzon fakti se atyre sërish po u rikthehet jeta”.
Përkundër ofertave të shumta që mori pas spektaklit për të reklamuar për kompani të njohura, Doresa zgjodhi që të jetë në shërbim të pacientëve: “Profesioni im jetësor është infermieria, nga i cili nuk heq dorë për asgjë. Për mua, më të rëndësishëm janë pacientët se sa karriera si modele”, është përgjigjur ajo.
Ergina Ramadani: “Lumturia më e madhe, t`ua kthej buzëqeshjen të sëmurëve”
Në një tjetër spektakël të bukurisë, vendin e dytë e ka fituar edhe bukuroshja nga Zvicra, Ergina Ramadani. Më 21 maj të vitit të kaluar, Ergina ishte finaliste në “Miss Zvicra lindore”. Ajo banon në kantonin Glarus. Në kohën kur ishte finaliste kishte thënë se, po qe se fiton kurorën e misit, popullaritetin e saj do ta përdorë për t’i mbështetur të sëmurët. Megjithatë, Ergina vazhdon të jetë e përkushtuar dhe në shërbim të të sëmurëve.
“Unë punoj në spitalin Universitar në Cyrih si motër medicinale, ndërkohë që paralelisht ndjek studimet për radiologi në Shkollën e Lartë Profesionale”, është shprehur ajo.
Por, më e lumtur Ergina ndihet në garderobën e skenës apo në atë të infermieres? Ajo përgjigjet kështu: “Ndjenjën që ta sjell uniforma e bardhë e mjekësisë nuk mund të ta sjell asnjë gjë tjetër. Kur të sëmurëve, e në veçanti atyre që janë me sëmundje të rënda, arrin t’ua sjellësh buzëqeshjen, është lumturia më e madhe”, theksoi Ramadani.
Naile Thaçi: “Të ndihmosh dikë në nevojë, është gjëja më e çmuar që mund ta bësh në jetë”
Naile Thaçi është bukuroshja tjetër shqiptare që ka zgjedhur të lë anash bukurinë e jashtme për atë shpirtërore. Vajza nga Gjilani e cila jeton në Zvicër, punon infermiere në Spitalin Neuropsikiatrik në Cyrih. Ajo ndihet e lumtur që ka arritur të dhurojë nga vetja gjithë dashurinë shpirtërore në profesionin human të mjekësisë. “Të ndihmosh dikë në nevojë, është gjëja më e çmuar që mund ta bësh në jetë. Jam e lumtur që kam mundësinë që përmes profesionit tim të jem afër të sëmurëve dhe atyre që kanë nevojë për shërim”, ka thënë Nailja. Nailja përveç si modele, ka përfaqësuar Kosovën në vitin 2014 në spektaklin e bukurisë ndërkombëtare “Miss Grand International” në Bangkok të Tajlandës.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?