Policia: Mos e përdorni telefonin gjatë vozitjes

Policia e Kosovës njofton se gjatë 24 orëve të fundit në dy aksidente në trafik kanë humbur jetën tre persona.

Policia u bënë thirrje të gjithë qytetarët që të respektojnë dispozitat ligjore që dalin nga ligji për rregullat e trafikut rrugor, të respektojnë shenjat e trafikut, kufizimet e shpejtësisë e t’u përshtaten kushteve të rrugës, si dhe të mos e përdorin telefonin gjatë vozitjes, përcjell albinfo.ch.

“Policia e Kosovës me njësitet e saj vazhdon të monitoroj dhe menaxhoj situatën në trafikun rrugor nëpër të gjitha rrugët e vendit dhe aty ku pjesëmarrësit bien ndesh me rregullat në trafik, masa ndëshkuese ligjore do të aplikohen me qëllim të parandalimit të rasteve të aksidenteve, në veçanti aksidenteve me fatalitet”, thuhet në apelin e policisë.