Në Shkup, gjatë fundjavës, 40 aksidente

Gjatë tri ditëve të kaluara në rrethinën e kryeqytetit të Maqedonisë policia e trafikut njofton se kanë ndodhur 40 aksidente trafiku, prej tyre, katër persona kanë marrë lëndime të rënda trupore, në katër aksidente, përcjell albinfo.ch.

Sipas policisë, në 12 aksidente kanë pësuar lëndime të lehta trupore dhe në 24 raste ka pasur vetëm dëme materiale.

Siç informon MPB, vetëm të premten policia e trafikut ka kryer ekspertizë në 14 aksidente trafiku, prej të cilëve në një lëndime të lehta trupore ka marrë një person, në tri më lehtë janë lënduar katër persona, ndërsa 10 kanë kaluar me dëme të shkaktuara materiale.