Pezullohet nga detyra sekretari i Ministrisë së Diasporës

Është pezulluar nga detyra sekretari i Ministrisë së Diasporës, Osman Shahini. Performanca e dobët dhe keqadministrimi përmenden si dy nga arsyet e pezullimit të Shahinit.

Këto arsye përmendën në vendimin dhe arsyeshmërinë e pezullimit të sekretarit Shahini nga ana e ministrit Dardan Gashi.

“Përkundër përkushtimit tim për ta mbështetur dhe përfshirë në dinamikën e punëve të ministrisë, z. Osman Shahini nuk arriti të akceptojë vizionin dhe dinamikën e përcaktimeve tona të përbashkëta për të rritur efikasitetin, përgjegjësinë dhe transparencën në punën e Qeverisë së Republikës së Kosovës”, thuhet ndër të tjera në arsyetimin e ministrit në letrën që ia ka drejtuar kryeministrit Haradinaj.