Fakulteti i Edukimit Fizik, marrëveshje me Shoqatën e Miqësisë Franko-Shqiptare

Shoqata e Miqësisë Franko-Shqiptare me seli në Annemasse të Francës, ka nënshkruar një marrëveshje bashkëpunimi me Fakultetin e Edukimit Fizik dhe të Sportit në kuadrin e Universitetit të Prishtinës. Marrëveshja, në emrin e shoqatës së përmendur është nënshkruar nga kryetari i saj, Tahir Shabani ndërsa në emrin e Fakultetit, nga dekani i tij, Dr. Musa Selimi, njofton  z. Shabani për albinfo.ch.

Kjo marrëveshje mundëson veç tjerash vizitat dhe këmbimin e studentëve të dy vendeve. Në këtë kontekst ajo ka shumë rëndësi sidomos për studentët kosovarë, të cilët fitojnë në këtë mënyrë rastin për të vizituar Francën ku do të përfitojnë nga përvoja e fakulteteve të atjeshme të edukimit fizik. Veç studentëve, edhe kuadrit arsimor i këtij fakulteti do t`i mundësohet

Dekani i FEFS të Prishtinës ka falënderuar z. Shabani për punën me vlerë që po bën për të vendosur dhe forcuar lidhjet mes Kosovës, Francës po edhe Zvicrës (kryesisht Gjenevës), ku shoqata që drejton ai, është po ashtu aktive.