Pas shumë debatesh, miratohet projektbuxheti i 2017-ës

Kritika, ofendime e debate të nxehta janë zhvilluar në Kuvendin e Kosovës në pikën kur duhej të diskutohej projektligji për buxhetin për vitin 2017, i cili arriti të miratohet sot, pasi seanca kishte nisur një ditë më parë dhe mbrëmë pozita nuk mundi ta kalonte atë, shkruan albinfo.ch.

Me 61 vota për, asnjë kundër, asnjë abstenim, Kuvendi e ka miratuar plotësim-ndryshimin e projektligjit për buxhetin në leximin e parë.

Në vazhdimin e seancës së Kuvendit të Kosovës është votuar mocioni i AAK-së për leximin e dytë të ligjit për buxhetin e Kosovës për vitin 2017 që duhet të bëhet më 31 tetor.

Për këtë mocion kanë votuar 61 deputetë, ndërsa kundër ishin 28.

Ndërkohë në Kuvend po vazhdon shqyrtimi i Raportit vjetor të auditimit i Zyrës Kombëtare të Auditimit për vitin 2016.