Arrestohet deputeti Milaim Zeka

Është arrestuar deputeti i Nismës për Kosovën, Milaim Zeka. Sipas raportimeve nëpër mediat kosovare, Zeka është arrestuar për mashtrim me viza të hënën pasdite.
Merret vesh se arrestimi i tij ka ndodhur për dyshimet se Zeka ka qenë i përfshirë në një skemë mashtrimi me viza pune në Gjermani për 920 kosovarë
Arrestimi i ish-gazetarit është bërë nga Njësiti i krimeve ekonomike i Policisë së Kosovës, të hënën, gjatë mesditës, raporton Gazeta Express.
Kjo ka ndodhur pak ditë pasi portali ‘Insajderi’ ka publikuar hulumtimin për këtë skandal me viza, në të cilin dyshohet se Zeka ka qenë i implikuar, duke krijuar një biznes të tillë bashkë me partnerin e tij biznesmen, Ilir Krasniqi.