Dorëzohet në polici, pranon sulmin ndaj Kajtazit

I dyshuari për sulmin e së premtes ndaj gazetarit Vehbi Kajtazi, Fitim Thaqi është paraqitur në polici.

Ai, në praninë e avokatit të tij, Gazmend Halilaj, është dorëzuar në Polici, gjegjësisht në Stacionin Nr. 2 të Policisë së Kosovës në Prishtinë.

Avokati ka thënë që pret se klienti i tij do të lirohet shpejt.

Ndërkaq Thaqi, në deklaratën e tij të shkurtë në praninë e avokatit, e ka pranuar ta ketë sulmuar gazetarin Kajtazi, mirëpo thotë të mos ketë qenë në dijeni se kush është personi të cilin e ka sulmuar, përcjell albinfo.ch.

Ndërkaq, ka shtuar se nuk dëshiron të flas më shumë për rastin, dhe se deklaratën e plotë do ta jap në Polici.