Fushatë e qetë në Maqedoni

Keystone

Fushata zgjedhore në Maqedoni po konsiderohet në përgjithësi si e qetë dhe pa incidente të theksuara.

Sipas Nikolla Dujovskit, është koha që qytetarët të mësohen se fushatat duhet të jenë të qeta dhe të përfshijnë oferta për problemet reale.

Sipas tij, incidentet e shënuara janë simbolike, kurse policia duhet të angazhohet në parandalimin e tyre.

Ndërsa Arsim Sinani, nga ana tjetër, vlerëson se qytetarët nuk kanë më nevojë të konfrontohen, përcjell albinfo.ch.

“Edhe Gruevski, edhe Zaevi duken si qengja të zbutur të cilët dëshirojnë të lobojnë dhe të paraqiten para shqiptarëve si politikanë të mirë, por ne realisht nuk shohim rezultate aty ku jetojnë shqiptarët. Do të duhet të shihnim rezultate që ne të fitojmë besim për atë që ata e thonë”, ka thënë Sinani për ‘Alsat’.