Tematike
Qeveria e Zvicrës bën ndarjen e re të resorëve
Në mbledhjen e posaçme që ka mbajtur sot, Këshilli Federal i Zvicrës ka bërë ndarjen e departamenteve (ministrive), duke shpallur krahas ministrave në krye të departamenteve përkatëse, edhe zëvendësit e tyre.
Caktimi i ministrit të ri, Ignazio Cassis në krye të Departamentit të jashtëm, në vend të Didier Burkhalterit që ka dhënë dorëheqje, ka qenë pika më e rëndësishme e rendit të ditës.
Ndarja e vendosur e departamenteve është si vijon:
Departamenti Federal (Ministria) për Punë të Jashtme
Ministër: Ignazio Cassis, zëvendës: Guy Parmelin.
Departameti Federal për Punë të Brendshme
Ministër: Alain Berset; Zëvendës: Ignazio Cassis
Departamenti Federal për Drejtësi dhe Polici
Ministër: Simonetta Sommaruga; Zëvendës: Ueli Maurer
Departamenti Federal i Mbrojtjes
Ministër: Guy Parmelin; zëvendës: Johann N. Schneider-Ammann
Departamenti Federal i Financave
Ministër: Ueli Maurer; Zëvendës: Alain Berset
Departamenti Federal për Ekonomi, Arsim dhe Hulumtim
Ministër: Johann N. Schneider-Ammann; Zëvendës: Doris Leuthard
Departamenti Federal për Ambient, Trafik, Energji dhe Komunikacion
Ministër: Doris Leuthard; Zëvendës: Simonetta Sommaruga
Pra, në Këshillin Federal nuk do të ketë “rokadë” departamentesh, ministrishë, siç ishte spekuluar më parë, me zgjedhjen e anëtarit më të ri të këshillit, Ignazio Cassis. Kështu, ministri i posazgjedhur do të trashëgojë resorin e ministrit në vend të të cilit ka ardhur, pra ministrinë e jashtme, të udhëhequr deri tash nga Didier Burkhalter.
Detyrën e ministrit të punëve të jashtme, Cassis do ta marrë duke filluar nga 1 nëntori
Me këtë rast, ministri i i ri i punëve të jashtme, Ignazio Cassis ka shprehur kënaqësinë për postin që i është besuar. “Është një nderim për mua që të përfaqësoj në botë Zvicrën, institucionet e saj, sistemin demokratik dhe kulturën e saj të larmishme. Kam respekt të madh për këtë detyrë me shumë përgjegjësi në politikën e jashtme dhe më gëzon fakti se do ta marr së shpejti këtë post” .
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj