Ndalohen linjat Prishtinë-Beograd për shkak të manipulimeve me bileta

Shkak për këtë janë bërë sjelljet e pa përgjegjëshme të disa individëve (të cilët blejnë bileta, futen në autobusë dhe gjatë rrugës kërkojnë të zbresin ose nuk futen fare në Autobus=

Në një njoftim që ka shpërndarë sot Menaxhmenti i Stacionit të Autobusëve informon qytetarët se nga sot janë anuluar të gjitha nisjet në relacionin Prishtinë – Beograd. Ky vendim ka ardhur pasi individë të papërgjegjshëm së fundi kanë blerë bileta dhe gjatë rrugës kanë kërkuar të zbresin nga autobusi, thuhet në njoftimin dërguar mediave.

“Menaxhmenti i NPL “ Stacioni i Autobusëve ” SH.A, Prishtinë, në koordinim me Kompanitë e liçencuara nga MI (Ministria e Infrastrukturës) për bartjen e udhëtarëve njofton të gjith qytetarët dhe të interesuarit e tjerë se anulohen të gjitha nisjet në relacionin Prishtinë – Beograd”, thuhet në komunikatë.

Për shkak të gjendjes së krijuar dhe sjelljeve të pa përgjegjëshme të disa individëve (të cilët blejnë bileta, futen në autobusë dhe gjatë rrugës kërkojnë të zbresin ose nuk futen fare në autobus) me ç` rast krijojn situata jo serioze, shkaktojnë çrregullim, krijojnë edhe humbje për Operatorët Transportues.

Ky vendim fillon së implementueri që nga sot dhe do të zgjasë deri në një njoftim të radhës!