Rizaj dhe Ndrecaj u vranë pasi nuk pranuan para

Beg Rizaj dhe Mirsad Ndrecaj, i ekzekutuan pas dorëzimit për shkak se nuk pranuan të marrin 5 milionë euro, ka deklaruar në fjalët e tij përfundimtare, Sami Ukshini - Komandant Sokoli

Liderët e “Grupit të Kumanovës”, Beg Rizaj dhe Mirsad Ndrecaj, i ekzekutuan pas dorëzimit për shkak se nuk pranuan të marrin 5 milionë euro,  ka deklaruar në fjalët e tij përfundimtare, Sami Ukshini – Komandant Sokoli para trupit Gjykues, shkruajnë mediat shqiptare të Maqedonisë.

Sokoli, madje, tha se ekziston një incizim ku shihet tregtia që shërbimet sekrete kanë dashur ta bëjnë me liderët e grupit.

“Nëse jemi terrorist, siç ju thoni, cili shtet normal bën pazar me një grup terroristësh. Kemi incizime të atyre dy djemve, kur ju keni ofruar para, 5 milionë euro, por nuk kanë pranuar dhe i keni vrarë, i keni ekzekutuar”, është shprehur Sokoli, përcjell albinfo.ch.

“Ju jeni një mekanizëm tjetër kriminel i një shteti, që dëshiron të na dënojë për terrorizëm. I keni vrarë fëmijët në Smillkovcë për t’i akuzuar shqiptarët, ju kanë ndihmuar edhe serbët”, ka thënë tutje ai.