Ahmeti flet pas ndalesës nga policia italiane, akuzon se po na maltretojnë për shkak të Shengenit

“Miq të dashur, nuk jam arrestuar. S’kam pas për çka. Por, për lojë jam vonuar, me një verifikim më të gjatë në aeroport për shkak të dikujt me emër të ngjashëm në Spanjë. Edhepse lehtë me verifiku me google kush është kryetar i Prishtinës e kush ai në Spanjë, autoritetet e Shengenit dhe më tutje na maltretojnë", deklaroi Ahmeti

Të enjten pas mesnatës është përhapur lajmi se është arrestuar Shpend Ahmeti nga policia italiane.

Ai kishte shkuar për të parë ndeshjen ndërmjet Milanit dhe Shkëndijës në “San Siro”. Por, Ahmeti ka thënë se nuk është arrestuar, vetëm është ndaluar për një verifikim. Lajmin e ka konfirmuar vetë kryetari i Prishtinës.

“Miq të dashur, nuk jam arrestuar. S’kam pas për çka. Por, për lojë jam vonuar, me një verifikim më të gjatë në aeroport për shkak të dikujt me emër të ngjashëm në Spanjë. Edhepse lehtë me verifiku me google kush është kryetar i Prishtinës e kush ai në Spanjë, autoritetet e Shengenit dhe më tutje na maltretojnë.

Faleminderit të gjithë juve që më shkruajtët kaq vonë. Shihemi nesër në Prishtinë.

P.S. dikush më tha më mirë që je vonu për lojë por pa marr paarasysh rezultatit pata dëshirë me i pa në lojë me Milanin. Edhe në fitore edhe në humbje tifoz mbetem.