Shqiptarët e kthyer në Kosovë me dëshirë do të largoheshin përsëri

Nëntë nga dhjetë të anketuarit kanë thënë se ishin larguar për të mos u kthyer kurrë në Kosovë

Shumë shqiptarë nga zonat rurale të Kosovës, të cilët ishin larguar në vitin 2014 e 2015, dhe ishin kthyer përsëri në shtëpitë e tyre me presion, do t’ia kthenin sërish shpinën vendit të tyre, shkruan “MZ”.

Kjo sipas një studimi të Institutit të Zhvillimit Bujqësor për vendet me ekonomitë në tranzicion në Halle.

Instituti kishte marrë në pyetje 180 persona në zonat rurale të Kosovës, të cilët kishin lënë Kosovën dhe ishin kthyer përsëri, përcjell albinfo.ch.

E gjitha kjo lidhet me arsyet ekonomike dhe mungesa e perspektivës.

Nëntë nga dhjetë të anketuarit kanë thënë se ishin larguar për të mos u kthyer kurrë në Kosovë.