Djali ndërron mbiemrin për të emigruar në Britani

Gazmir Sefa nga Kukësi ka ndërruar mbiemrin e djalërisë Visha para se të martohej pasi po bënte plane për t’u martuar me të fejuarën e tij 22-vjeçare

Shqiptarët vazhdojnë të provojnë çdo mënyrë për t’u larguar nga Shqipëria. Gazmir Sefa nga Kukësi ka ndërruar mbiemrin e djalërisë Visha, pasi po bënte plane për t’u martuar me të fejuarën e tij 22-vjeçare në Angli.

Ai e mori mbiemrin e Sonilës, prindërit e së cilës janë emigrantë. Por, ky veprim është kundërshtuar nga gjyshi që ka ndezur konfliktet mes çiftit, raporton “TCH”.

Në konflikt e sipër sipas prokurorisë vajza ka ndërprerë marrëdhëniet me të riun, ndërkohë që ka siguruar edhe një urdhër mbrojtjeje prej tij. Prokurorja tha në Gjykatë se Gazmiri përmes telefonit ka këmbëngulur ta takojë vajzën, duke shkelur vendimin e Gjykatës, përcjell albinfo.ch.

“Ja ka dhënë me dëshirën e vet gocën. Do iknin në Angli për të punuar. Nuk ka ardhur ai të më thotë më jep mbiemrin dhe nuk ia dhashë”, shprehet e ëma e të riut.

Gjykata vendosi masën arrest me burg për të dyshuarin ndërsa avokati thotë se do t’i drejtohet Apelit.