Nuk ndalen zjarret në Shqipëri

Në operacionet për shuarjen e zjarreve janë angazhuar 50 punonjës zjarrfikës, shtatë automjete zjarrfikëse, 60 efektivë nga Forcat të Armatosura të Ushtrisë, 48 punonjës të Pyjores dhe të bashkive etj, të mbështetur nga helikopterë

Ilustrim

Zjarret nuk janë shuar tërësisht në Shqipëri. Raportohet se pesë vatra zjarri janë në qarqet Tiranë, Korçë, Vlorë e Gjirokastër.

Në operacionet për shuarjen e zjarreve janë angazhuar 50 punonjës zjarrfikës, shtatë automjete zjarrfikëse, 60 efektivë nga Forcat të Armatosura të Ushtrisë, 48 punonjës të Pyjores dhe të bashkive etj, të mbështetur nga helikopterë, raporton “TCH”.

Situata ka qenë problematike në fshatrat Janicat, Leshnicë e Sipërme dhe Leshnicë e Poshtme, Bashkia Finiq, si dhe në pyllin e Pilloit të fshatit Vergo të bashkisë së Delvinës, përcjell albinfo.ch.

Në ndihmë të forcave zjarrfikëse, punonjës të bashkisë, punonjës të pyjores dhe banorë të zonës, është angazhuar dhe një helikopteri duke shuar të gjitha vatrat e zjarrit.

Në Qarkun e Tiranës, vijon aktive vatra e zjarrit në fshatin Sinaballaj të bashkisë së Rrogozhinës. Zjarrfikësit dhe forca ushtarake, të mbështetura edhe nga një helikopter kanë vijuar për shumë orë ndërhyrjen për shuarjen përfundimtare të vatrave të zjarrit.