Letra e mërgimtarit nga Zvicra mahnit Policinë e Kosovës

Arlind Imeri nga Zvicra i është drejtuar Policisë së Kosovës me një letër falënderimi duke treguar se sa krenar është për mikpritjen që policët kosovarë i kanë bërë atij këtë verë kur ka ardhur në vendlindje.

Policia e ka shpërndarë letrën në faqen e vet në Facebook për të shprehur kënaqësinë pas falënderimit të qytetarit.

Ky është njoftimi i plotë nga Policia e Kosovës:

LETËR FALENDERIM NGA NJË QYTETAR!

To: [email protected]

Subject: Falënderim

Të nderuar zonja dhe zotërinj,

Unë quhem Arlind Imeri dhe jetoj në Zvicër.

Përmes kësaj E-mail dëshirojë të ju shprehë falënderimet më të përzemërta për policinë e Kosovës.

Më datën 05.08.2017 rreth orës 01 kam kaluar kufirin Kosovë-Serbi, saktësisht në pikën kufitare në Mutivodë.

Aty jam ndalur nga policia e Kosovës e cila me shumë profesionalizëm po kryente detyrën e saj.

Sjellja e Policit kufitar ishte jashtëzakonisht e mirë.

Gjithashtu, edhe ditën kur jam futur në Kosovë, kam parë profesionalizëm, respekt dhe sjellje që unë personalisht ndihem krenar që jeni pjesë e shoqërisë sonë.

Pritjet nëpër pika kufitare janë normale në çdo vend të botës.

Unë nuk shqetësohem aspak nga kolonat e krijuara nëpër pikat kufitare.

Në fund, dua të ju falenderoj edhe një herë dhe të ju shprehë kënaqësinë që ndjej kur ndalem nga Policia e Kosovës.

Ju paqim gjithmonë.

Duke ju dëshiruar punë të mbarë, ju kërkoj falje për pengesat që mund të ju kem shkaktuar.

Me respekt,

Arlind IMERI