Ku ka më mirë se në Ksamil

Shumë vizitorë e përzgjedhin Ksamilin për magjinë e ishujve dhe qetësinë. Ksamili përfaqëson një prej vendpushimeve bregdetare më të frekuentara gjatë verës

Derisa turizmi po rritet me të madhe në Shqipëri, Ksamili mbetet njëri nga destinacionet më të preferuara të turistëve të huaj, shkruan albinfo.ch.

Ksamili përfaqëson një prej vendpushimeve bregdetare më të frekuentara gjatë verës. Qyteza e vendosur në skajin jugor të Shqipërisë ofron plazhe të vogla e të pastra, ndër më të bukurat e bregdetit Jonian.

Shumë vizitorë e përzgjedhin Ksamilin për magjinë e ishujve dhe qetësinë. Plazhet e vendosura vetëm pak kilometra në jug të qytetit të Sarandës dhe shumë pranë Parkut Kombëtar të Butrintit i lejojnë pushuesve akses të lehtë për këto dy destinacione të jetës së mbrëmjes dhe turizmit kulturor.

Edhe shumë media ndërkombëtare kanë lavdëruar plazhin e Ksamilit, duke e përshkruar si njërin nga më të mirët jo vetëm në Ballkan, por edhe më gjerë.