4 Qershori, dita e komunitetit shqiptar në Britani

Në këtë ditë do të mbahen aktivitete të shumta, valle e muzikë tradicionale shqiptare, derisa priten të marrin pjesë 2-3 mijë shqiptarë, si dhe një numër i madh i personaliteteve

Organizatorët kanë njoftuar se më 4 qershor, do të mbahet festa e fëmijëve dhe dita e komunitetit shqiptar në Britani.

Sipas “Diasporës Shqiptare në Londër”, në këtë ditë do të mbahen aktivitete të shumta, valle e muzikë tradicionale shqiptare, derisa priten të marrin pjesë 2-3 mijë shqiptarë, si dhe një numër i madh i personaliteteve.

“Më 4 Qershor, festohet dita e komunitetit shqiptar ne Britani. Tashmë e kthyer ne një festë tradicionale prej vitesh nga ky forum! Në këtë aktivitet marrin pjesë mbi 2-3 mijë shqiptarë për të festuar së bashku, duke dëgjuar programin e fëmijëve të shkollave shqipe, muzike live nga këngëtarë lokalë, valle tradicionale shqiptare, lojëra popullore, futboll e shumë befasi tjera! Marrin pjesë shumë personalitete si deputetë të Parlamentit Britanik, Ambasadorë, kryetarë bashkish etj! Te festosh festën e fëmijëve është gjëja më e çmuar që mund t’ju bëjmë fëmijëve tanë sepse tek e fundit për këta fëmijë po punojmë dhe jetojmë në këtë vend!

Ftojmë gjitha familjet shqiptare me fëmijët e tyre në këtë festë për të festuar së bashku, pije ushqim dhe gjithçka tjetër afrohet nga restorant brenda në park me pronar Avni Sopin!

Hyrja falas! Parkingu falas!

Adresa: 33 Hotford Rd, Childs Hill Park, NW11 8NL, Ora 12 -00

Te festojmë këtë ditë të gjithë se bashku duke marre të gjithë flamurin kombëtar me vete!”, thuhet në njoftim.