Gani Jakupi, autor me famë ndërkombëtare, mysafir special në Zvicër

Nga 9 deri më 11 qershor, Gani Jakupi do të jetë pjesëmarrës në aktivitetin artistik Délémont'BD» që mbahet në kryeqytetin e Kantonit Jura dhe në Gjenevë. albinfo.ch është sponsor medial i këtij aktiviteti

Jo sa duhet i njohur në mesin e bashkatdhetarëve të tij, Gani Jakupi është një emër i madh në arenën e romanit grafik sidomos në Spanjë dhe në Francë. Po ashtu romanet dhe veprat tjera të tij janë të përkthyera në shumë gjuhë të ndryshme dhe për to ai ka marrë çmime të rëndësishme ndërkombëtare, shkruan albinfo.ch. Si kurorëzim, Gani Jakupi ka publikuar në vitin 2013 edhe në gjuhën shqipe romanin e tij shumë të njohur grafik “Imazhi i fundit”. Është ky njëherësh romani i parë dhe deri tash i vetëm i këtij lloji në gjuhën shqipe. Temën për këtë roman, Jakupi e ka marrë nga qëndrimi i tij në Kosovë, menjëherë pas luftës, në cilësinë e gazetarit për mediat spanjolle.

Nga 9 deri më 11 qershor, Gani Jakupi do të jetë pjesëmarrës në aktivitetin e madh artistik  Délémont’BD» që mbahet në Delemont, kryeqytetin e Kantonit Jura dhe në Gjenevë. Platforma albinfo.ch është sponsor medial i këtij aktiviteti dhe këto ditë do të publikojë një intervistë ekskluzive me Gani Jakupin.

Autori i përmendur është edhe mysafir i Komunitetit Shqiptar të Gjenevës. Kjo shoqatë fton bashkatdhetarët të marrin pjesë në këtë takim. Më 9 qershor 2017, Gani Jakupi do të jetë mysafir i Komunitetit Shqiptar të Gjenevës duke përfituar nga rasti i ekspozitave të tij në galeritë e Gjenevës dhe Delemont.

Takimi do të mbahet më 9 qershor, me fillim në orën 19 në UniMail, salla MR280, në Gjenevë.