Xhemaili fillon aventurën në Kanada

Blerim Xhemaili edhe zyrtarisht i është bashkuar skuadrës kanadeze, Montreal Impact. Ai luajti për Bolognan këtë sezon

Mesfushori shqiptar, Blerim Xhemaili edhe zyrtarisht i është bashkuar skuadrën kanadeze, Montreal Impact, njofton albinfo.ch.

Ai është larguar edhe zyrtarisht nga skuadra italiane, Bologna për të filluar një aventurë në re në karrierën e tij.

Njoftimi zyrtar ka ardhur nga skuadra kanadeze. “Montreal Impact bën të ditur se ka arritur marrëveshje me Bolognan për Blerim Xhemialin. Xhemaili do të jetë një nga tre lojtarët me pagën më të lartë në klub”, thuhet në njoftimin e klubit kanadez.

Xhemaili ka luajtur në disa skuadra evropiane, kurse në Kampionatin amerikan do të gjejë edhe dy futbollistët shqiptarë, Shkëlzen Gashi dhe Jahmir Hyka.

Xhemaili ka theksuar se nuk do të largohet nga Përfaqësuesja e Zvicrës dhe është i gatshëm t’i ndihmojë kur të jetë e nevojshme.