Sanksionet e menjëhershme !

SVP/UDC ka filluar promovimin e fushatës politike në shtypin zviceran të së dieles me moton: “Disa kosovarë therin një zviceran”

Droja e instrumentalizimit nga ana e SVP/UDC të akteve të dhunës së kësaj jave të qytetarëve kosovarë tani veçse është realitet, pasi që SVP/UDC e ka lidhur drejtpërdrejt iniciativën e saj «Stop imigracionit masiv»  me aktet e dhunës të shtetasve kosovarë në Pfäffikon dhe në Interlaken.

SVP/UDC ka botuar hapësira reklamuese me pagesë, me moton në fjalë, në shtypin e të dieles.

Në brendi të afishes shkruhet: «Kështu, pra, janë pasojat e imigrimit masiv, kur ne e humbim kontrollin. Disa kosovarë therin një zviceran (…) Mundësit amatorë Roland G. (38 vjeç) dhe Karl Z. (45 vjeç) janë ulur më 15 gusht në një tarracë në Interlaken të Bernës. Një taksi ndalet paprimtas dhe dy kosovarë (33 dhe 31 vjeç) dalin nga vetura. Fillojnë t’ i provokojnë dy zviceranët. «Zviceranë të mutit ! Të poshtër !», sipas një dëshmitari okular. Mundësi i shpërblyer dymbëdhjetë herë, Kari Z. pyet: «Ç’po ndodh ? » Njëri nga kosovarët e merr thikën dhe e ther qafën e zviceranit».

Teksti i shpalljes në fjalë përmban një titull provokues me mesazh përgjithësues, i cili mund të ngjallë frikë si dhe t’i shtojë paragjykimet ndaj kosovarëve dhe të huajve.