Shpageta me salcë boloneze

Përbërësit:

• 250 gr mish i grirë,
• 1 lugë erëza të përziera,
• 1/2 kg shpageta,
• 2 qepë,
• 2 thelpinj hudhre
• majdanoz,
• 100 ml salcë domatesh,
• 200 ml ujë,
• vaj,
• kripë dhe piper i zi

Përgatitja:

Në tenxhere me ujë me kripë dhe vaj i ziejmë shpagetat. Shpagetat e ziera i derdhim në kullojsë dhe i shpëlajmë me ujë të ftohtë.
E grijmë qepën dhe e skuqim në tiganin me vaj. Pasi zbutet qepa, në tigan e shtojmë mishin e grirë. Pasi skuqet mishi, në tigan e shtojmë hudhrën e grirë. Hedhim erëza të përziera dhe majdanozin e grirë.
Hedhim kripë dhe piper të zi. E shtojmë salcën e domates dhe ujin.
Shpagetat e kulluara i vëmë në pjatë të thellë. Sipër hedhim salcë bolonjeze. Sipër hedhim parmezan.
E zbukurojmë me një degë majdanozi.

Ju bëftë mirë!