Pasdite informative në gjuhën shqipe për të moshuarit

Shërbimet për të moshuarit në qytetin e Cyrihut, në kuadrin e organizimeve të veta mbajnë më 22 nëntor një takim informativ me shqiptarët mbi moshën 60 vjeçare. Takimi mbahet në gjuhën shqipe.

“Kemi kënaqësinë që të ju ftojmë në një pasdite të qetë dhe informative në Qendrën Kulturore të Oerlikonit (Gemeinschaftszentrum Oerlikon), Cyrih. Për ne është shumë e rëndësishme që të takohemi me ju dhe të bisedojmë së bashku për kërkesat dhe nevojat tuaja, thuhet në ftesën e dërguar nga organizatorët. Ato janë institucionet si: Qendra për Integrim e qytetit të Cyrihut; Qendra Këshilluese “Banimi në pleqëri”; Qendra e specializuar për Këshilla Prandaluese në Pleqëri, e qytetit të Cyrihut; HEKS, AltuM – Pleqëria dhe Migrimi; Pro Senectute e Kantonit të Cyrihut dhe Shërbimi ambulantor i qytetit të Cyrihut (Spitex).

Në këtë pasdite, për shoqërimin muzikor do të kujdeset rapsodia e njohur shqiptare me qëndrim në Zvicër, Ajshe Muriqi-Fetaj.

Takimi mbahet nga ora 13.30 deri në orën 16.30 në Gemeinschaftszentrum Oerlikon, Cyrih.

Për informata më të hollësishme, lexoni broshurat në PDF, shqip dhe gjermanisht

flyer-a5-albanisch

flyer-a5-deutsch