Humbje e thellë e Kosovës nga Kroacia

Kroacia ka shënuar fitore me rezultat 6:0 ndaj Kosovës

Humbje e thellë e Kosovës nga Kroacia me rezultat 0-6 në takimin e zhvilluar të enjten mbrëma në kualifikimin për Botërorin “Rusia 2018”.

Në “Loro Boriçi” të Shkodrës, në pjesën e dytë, ishin sërish kroatët të cilët shënuan edhe 3 gola.

Mario Manxhukiq ka shënuar tre gola derisa nga një gol realizuan Mitroviq, Kaliniq e Perisiq.

Megjithë tentimin për të shënuar, kosovarët nuk arritën ta bëjnë këtë deri në fund të takimit.

Humbja e thellë ia vështirëson punën Kosovës për kualifikimet e mëtejshme për Botërorin “Rusia 2018”.

Kosova në ndeshjen e ardhshme do të luajë ndaj Ukrainës.

Pjesa e parë: Përfaqësuesja e Kosovës e ka nisur keq pjesën e parë, duke u mposhtur sonte nga Kroacia, me rezultat 0-3, në Shkodër.

Mario Manxhukiq ka shënuar të tre golat. Kroacia po dominon. Kosova kishte vetëm dy raste shënimi.

Përfaqësuesja kosovare e cila për herë të parë është pjesë e kualifikimeve për Botërorin e ardhshëm, nuk ka mundur të bëjë më shumë, sepse përvoja ishte dukshëm në anën e kroatëve.

Atmosfera në Shkodër është e jashtëzakonshme.