Akuzohet Mbretëria e Bashkuar që i dha leje të qëndrimit shqiptarit

Agustin Sula vrau me thikë një shtetas britanik në qytetin Hull në muajin shkurt të këtij viti. Viktima Mateus Szleper, ishte babai i një djali 3-vjeçar

Albanian immigrant Augustin Sula, 18, murdered a 21-year-old man in Hull for bumping into him in the street

Mediat angleze kanë shkruar dhe akuzuar autoritetet e Mbretërisë së Bashkuar se i dhanë leje-qëndrimi një adoleshenti shqiptar, i cili kishte kryer më pas një vrasje, shkruan albinfo.ch.

Madje, është e përditshmja e madhe britanike që shkruan një artikull të gjatë për këtë rast, që është cilësuar si shumë e rëndë.

Agustin Sula vrau me thikë një shtetas britanik në qytetin Hull në muajin shkurt të këtij viti. Viktima Mateus Szleper, ishte babai i një djali 3-vjeçar.

Sipas “The Sun”, 18-vjeçari Sula kishte pasur një sherr. Së bashku me tre shokë të tij ai ishte kthyer dhe kishte vrarë britanikun duke e goditur me një dru dhe më pas me thikë. Agustin Sula kishte qeshur pasi kreu vrasjen dhe kishte thënë se “i kishte dhënë një mësim viktimës”.

Sula ishte dënuar më parë edhe në Shqipëri për vjedhje e megjithatë u lejua të qëndrojë në Britani. Shqiptari është shpallur fajtor për vrasjen nga Gjykata e qytetit Hull.