Duhet njohur shkollën shqipe në vend të islamit zyrtar zviceran*

Në Shqipëri, Kosovë dhe Maqedoni veprojnë të tri lëvizje fetare islamike, e Erdoganit, e Fetullah Gylenit dhe Arabisë Saudit. Një lëvizje e tillë fetare në heshtje por e përkushtuar është duke vepruar edhe në komunitetin shqiptar në Zvicër. Një diasporë shqiptare e re , e varfër, e pa integruar tërësisht në shoqërinë pritëse dhe e paorganizuar si do të duhej, këto ditë u mësua se janë të regjistruar 92 bashkësi fetare islame në Zvicër.

Hulumtime të thella lidhur me besimin islam te shqiptarët në Zvicër nuk ka. P.sh. nuk dihet ç’ka e rrit nevojën e islamikëve për të vepruar në diasporën shqiptare? çfarë do të jetë projekti tyre cili do të jetë qëllimi anti-evropian apo si do të jetë aktiviteti i tyre? dhe kush e financon veprimtarinë e tyre?

Në këto kushte nuk dihet kush jep mësim fetar? çfarë edukate mund të japin këta persona rinisë shqiptare? çfarë e frymëzon rininë shqiptare të ndajë kohën mes internetit dhe besimit islam? Këta ushtrues a kanë leje pune për ushtrimin e kësaj veprimtarie në Zvicër apo i shfrytëzojnë heqjen vizave nga Maqedonia dhe Kosova Lindore – Presheva etj.?

Megjithatë te këta ushtrues dallohen dy qëllime: një grup deklarohet se ushtron fenë tek fëmijët shqiptarë ndërsa grupi tjetër pohon se ua mëson gjuhën shqipe fëmijëve, është më tepër se cinke pa qenë mësues i gjuhës shqipe të ushtrohet kjo detyrë.
Njohja ” e islamit zyrtar zviceran” nëse lejohet një gjë e tillë padyshim do të ketë pasoja edhe për Zvicrën, sepse kështu edhe zyrtarisht do ta mundësojnë importimin e krimit dhe fundamentalizmit islamik në emër të “zyrtarizimit”, por për shqiptarët, ndoshta edhe më shumë, sepse pamundësia për të u integruar në shoqërinë pritëse do të shtonte pesimizmin, përgjithësisht duke ndikuar drejtpërdrejtë në cilësinë e jetës së brezit të ri shqiptar dhe largësia për të realizuar një organizim gjithë kombëtar e jo fetar!

Është më rëndësi që shteti Zviceran të merrej me mbështetjen institucionale të shkollave me mësim plotësues të gjuhës amtare, sepse përmes arsimit shkencor do të u mbyllet rruga elementeve tjera negative fetare. Neni kushtetues i veçantë nëse kërkohet për bashkësitë fetare do të ishte më me vlerë  të bëhej për mësimin e gjuhës amtare të nxënësve dhe të kulturës së atdheut.

* Pikëpamjet e shprehura në këtë opinion shprehin mendimet e autorit dhe nuk reflektojnë domosdoshmërisht mendimet e redaksisë.